اصلاحی مجلس کی جھلکیاں(کلک کریں)

خلاصۂ مجلس:الحمدللہ شروع ہی سے حضرت والا مجلس میں رونق افروز تھے ۔ شروع میں جناب اظہر صاحب نے اپنے تازہ اشعار حضرت والا کی محبت میں پڑھ کر سنائے، اشعار کے بعد حضرت والا نے اپنے تاثرات کا اظہار فرمایا ۔ بعد ازاں مولانا ابراہیم کشمیر ی صاحب نے حضرت والا رحمہ اللہ کے اشعار اپنی پرسوز آواز میں پڑھے، درمیان درمیان میں حضرت والا اشعار کی تشریح بھی فرماتے جاتے تھے ، تقریباً ۴۰ منٹ تک یہ سلسلہ جاری رہا ، اس لئے بعدجناب ممتاز صاحب نے  کتاب آفتاب ِ نسبت مع اللہ ۔۔ سے ملفوظات پڑھنے شروع کیے۔ یہ کتاب حضرت والا  مرشدی و مولائی شیخ العرب والعجم عارف باللہ مجدد زمانہ رومی ثانی ، تبریزِ وقت جنیدِ زمانہ  حضرت مولانا شاہ حکیم محمد اختر صاحب رحمۃ اللہ علیہ کے  جنوبی افریقہ کے آٹھویں سفر کے ارشادات  کا عظیم الشان مجموعہ ہے ۔ جس کے مرتب مرشدی و مولائی حضرت اقدس میر صاحب دامت برکاتہم ہیں  ۔ درمیان درمیان بہت ہی نایاب اور مفید ملفوظات ارشاد فرماتے رہے تقریباً۵۸منٹ تک  ملفوظات پڑھے گئے۔   یوں یہ مجلس اختتام کو پہنچی۔۔