دینی مجالس کی ترتیب
روزانہ بعد فجر، بعد عصر، بعد نمازعشاء ، ہر اتوارصبح ساڑھے گیارہ، جمعہ بیان براہ راست نشر ہوتے ہیں
وعظ: اسلامی مملکت کی قدر و قیمت
شیخ العرب والعجم مجددِ زمانہ حضرت مولانا شاہ حکیم محمد اختر صاحب رحمۃ اللہ علیہ کا عظیم الشان وعظ جس کو پڑھ کر دل اسلامی مملکت پاکستان کی محبت اور عظمت سے لبریز ہوجاتا ہے۔!پڑھیے.....محفوظ کیجئے
پاکستان کا صحیح شکر کیا ہے؟
اس عظیم نعمت کا صحیح شکریہ کیا ہے؟ اصلی شکریہ، پاکستان کی طرف اصلی ہجرت اور جشن آزادی کی خوشی کے اظہار کا صحیح طریقہ یہ ہے کہ ہم لوگ تقویٰ اختیار کریں اور گناہ چھوڑ دیں۔ وطن چھوڑنا بھی ہجرت ہے لیکن اس سے زیادہ اہم ہے کہ گناہ چھوڑ دے اور یہی پاکستان کی نعمت کا صحیح شکر ہے، کیونکہ وطن چھوڑنا تو آسان ہے لیکن گناہ چھوڑنا مشکل ہے۔
پاکستان اسلامی مملکت ہے!
جس ملک کا حکمران مسلمان ہو اور وہ اسلامی قانون نافذ کرنے کی قدرت رکھتا ہو، چاہے وہ کتنا ہی گنہگار ہو تو وہ ملک اسلامی ملک اور اسلامی مملکت ہے، چاہے وہ مسلمان حکمران اپنی ایمانی کمزوری یا بشری کمزوری کی وجہ سے اسلامی قانون نافذ نہ کرتا ہو لیکن اس کو قدرت ہے تو اسی قدرت کی بنا پر وہ مملکت شریعت کی رو سے اسلامی سلطنت کہلائے گی۔۔لہٰذا پاکستان اسلامی مملکت ہے۔
پاکستان کی حفاظت ہم پر فرض ہے!
ایک اسلامی ریاست ہونے کے باوجود پاکستان کی غیبت کرنا، اس کی اہانت کرنا، اس کے ٹوٹنے پر خوشی منانا اور پاکستان کے لیے یہ تمنا کرنا کہ اس کو نعوذ باﷲ ہندو لے جائیں سخت جرم ہے۔ جب اسلامی سلطنت کی ایک انچ زمین کی حفاظت پر جان دینا، خون بہانا شہادت ہے تو یہ ظالم جو پاکستان کے ٹوٹنے پر خوش ہو خدا کے ہاں کتنا بڑا مجرم ہے۔ لہٰذا اگر ایسے خیالات آئیں تو توبہ کرو
پاکستان کے آسمان و زمین میں کلمہ کا نور!
میرے شیخ شاہ عبد الغنی صاحب پھولپوریؒ جب پہلی دفعہ ہندوستان سے پاکستان میں داخل ہوئے تو لاہور کے باڈر پر لوگوں نے بتایا کہ وہ انڈیا کا جھنڈا ہے اور یہ پاکستان کا جھنڈا ہے، اب یہاں سے پاکستان کی زمین شروع ہو رہی ہے تو حضرت نے فرمایا کہ الحمد ﷲ یہاں کے زمین وآسمان مجھے کچھ اور ہی معلوم ہورہے ہیں اور فرمایا کہ پاکستان کے زمین و آسمان میں مجھے کلمہ کا نور معلوم ہورہا ہے۔،
›‹
- 1
- 2
- 3
- 4
- 5
ادارہ تالیفاتِ اختریہ کے تحت شائع ہونے والی جدید مطبوعات
ادارہ تالیفاتِ اختریہ کے تحت دوبارہ شائع ہونے والے مواعظ اختر
- 1
- 2
- 3
- 4
- 5
- 6
- 7
- 8
- 9
- 10
- 11
- 12
- 13